دارالعلوم محمدی

1. شعبہ ابتدائیہ:

• نورانی قاعدہ، ناظرہ قرآن مع تجوید و قواعد
• کم از کم دس سورتیں تجوید و قرأت کے ساتھ زبانی یاد کروائی جاتی ہیں
• اردو قاعدہ، اردو کی ابتدائی کتابیں مع کتابت و مشق
• ابتدائی عقائد، ضروری دینی مسائل، اور کتاب “معاون نماز” مع ترجمہ زبانی یاد کروائی جاتی ہے
• دس احادیث مع ترجمہ و تشریح، سیرۃ النبیﷺ، خلفائے راشدین، صحابہ، صحابیات، اور دیگر سیرت مضامین کے بنیادی اسباق
• ضروری دعائیں، اخلاقی تربیت کے لیے 'کتاب الاخلاق' کے بنیادی اسباق

2. شعبہ حفظ:

• داخلہ کے لیے ابتدائیہ کورس یا اس کے مساوی قابلیت ضروری ہے
• مکمل قرآن مجید تجوید و قواعد کے ساتھ حفظ
• اصول التجوید (اوّل و دوم) مع عملی مشق
• حدیث و علوم حدیث کے ابتدائی اسباق
• مسائل دینیہ کی جامع کتاب
• سیرۃ المصطفی اور انبیاء کرام کی سیرت
• اردو کی دوسری و تیسری جماعت مع کتابت کی مشق

3. شعبہ معلّم کورس:

دارالعلوم محمدی دیوپورہ شوپیان کشمیر میں پیش کیا جانے والا معلّم کورس اپنے نصاب، ترتیب، اور تدریسی معیار کے اعتبار سے دیگر اداروں سے ممتاز حیثیت رکھتا ہے، الحمدللہ۔

4. عالمیت کورس:

جن طلباء کرام نے دارالعلوم محمدی دیوپورہ شوپیان کشمیر سے معلّم کورس مکمّل کر لیا ہے وہ اس عالمیت کورس میں داخلہ لے سکتے ہیں. اگر کسی دوسرے دینی ادارے سے تعلیم حاصل کی ہو اور تعلیمی قابلیت معلّم کورس پڑھ چکے طلباء کے مساوی ہو تو وہ بھی اہلیتی امتحان پاس کرکے اس کورس میں داخلہ لے سکتے ہیں.

اس کورس میں چھے سمسٹر ہوں گے اور کورس کی مدّت فقط تین سال ہے دارالعلوم دیوبند کے نصاب تعلیم کے مطابق نحومیر کے سال کی تمام کتب اور ہدایت النّحو کے سال کی تمام کتابیں عالمیت کے پہلے سال میں پڑھا دی جاتی ہیں.

دوسرے سال پہلے سمسٹر میں پورے قرآن کریم کا ترجمہ مع تفسیر ابن کثیر مکمّل کرادیا جاتا ہے. دوسرے سمسٹر میں تمام تفاسیر پڑھائی جاتی ہیں نیز ہدایہ کے مخصوص ابواب اور سراجی کے مخصوص ابواب پڑھائے جاتے ہیں اور مشکٰو ۃ المصابیح مع شرح کے مکمّل کرائی جاتی ہے. تیسرے سال علوم حدیث کی کتب اور صحاح ستہ میں شامل تمام کتب مع شروحات کے مکمّل کرائی جاتی ہیں.

5. فضیلت کورس:

جن طلباء نے دارالعلوم محمدی سے عالمیت کورس مکمّل کر لیا ہے وہ اس کورس میں داخلہ لے سکتے ہیں. اس کورس کی مدّت فقط دو سال ہے, درس نظامی کی وہ کتب جو عالمیت کورس میں نہیں پڑھائی گئیں اور باقی رہ گئیں تھیں وہ سب کتب ان دو سالوں میں مکمّل کرا دی جاتی ہیں.